طريقة سهلة لتحضير كعب الغزال

مقادير العجين:

2 زلافات متوسطين من دقيق الممتاز
كأس صغير و ربع زبدة ذائبة مصفيية مزيان من الماء
8 معالق كبار ماء الزهر
قبصة ملح
ملعقة كبيرة سكر
ماء بارد

مقادير عقدة اللوز:

1كيلو لوز مفسخ
نصف كيلو سكر
كأس صغير زبدة مدوبة و مصفية
8 معالق كبار ماء الزهر
قليل من المسكة الحرة مطحونة

أولا كنجمع مقادير العجين ونضيفو الماء حسب الحاجة و لكن العجين خاصو يكون شاد راسو و ندلكوه مزياااااااااااان ثم نقسموه خبيزات صغار نغطوهم بالبلاستيك الغذائي ونخليوهم يرتاحو نصف ساعة.

بالنسبة للعقدة كنطحنو اللوز مع السكر جيدا ثم نضيف باقي المقادير و نخلط مزيان ثم نعملو حرابل.

كنطلقو العجين رقيق جدا ثم ندهن بالزيت ثم نضع اللوز و نطويو عليه العجين.

مللي كنكملو من الكعب كخليواه يبات ليلة كاملة و فالغد كنتقبوه بالإبرة باش متنفاخشي (3 أو 4 تقابي) ثم كنسخنو الفران و ندخلو الكعب يطيب ونردو البال باش ميتحمرشي غير يدهب صافي.

وها كعب الغزال ديالكم واجد. بالصحة و الراحة