بيتزا ديال المقلة

طريقة العجين

زلفة فورص -  نصف زلفة فينو - ربع كاس زيت بلدية - معلقة الخل - خمارة حمرة - شوية خميرة معجونة - ملح شوية زعتر
تخلطي جميع المقادير بالماء، ما تكون لا خفيفة لا قاصحة و خليها ترتاح.

الحشوة:

ممكن ديري أي حشوة، انا درت 2 بصلات مشحرين مع الزيت الملح ايبزار و شوية تحميرة.
توجدي صوص طماط وتنسميها بالزعتر،

و توجدى دجاج مقطع مربعات وطيبيه فشوية د الزيت، الملح و الايبزار.

من بعد ما ترتاح العجينة ديري كويرات صغار و طلقيهم دوائر رقاق ونتي كترشي طحين باش مايلصقوس ودريهوم يطيبو فلمقلة ديال الحرشة، و قلبيهوم حتى يطيبو من 2 جهات .

الا طابو عمريهوم بلحشوة وديري عليهم الفرماج حمر وريدهم لمقلة و غطيهم بشي حاجة حتى يدوب الفرماج.

و ها البيتزا ديالك الل مولاتي واجدة واجدة.